قصيدة الموت والرحيل

يا مآلك الملك يالواحد شديد العقاب
ياغافر الذنب يامرسل رسولٍ نـذيـر..ٍٍٍ
ياخالق الخلق يا محصى الخطاوالصواب.ِِ
تعالت آسمائك مالك في صفاتك خشير..ًً
يامحيي الآرض بآمرك من حمول السحاب.ََ
ياعالمٍ بالحياهـ وما يئول المصير..ِِ
ياجامع الناس في يوم الحشر والحساب..ٍٍ
مافيه فرق هذا تاجر وهذا فقير..ِِ
كل الخلايق سوى إلا بحمل الكتاب.ِِ
لاشخصت ابصارهم يوم النهار العسير..ِِ
احد’ن كتابه فتح له صوب جنتك باب.ِِ
واحد’ن هوى به كتابه للصخط والسعير.ِ
يارب رحمتك لا هـلـو علي الـتـراب .ِِ
واصحبت مالي من الوحشه مفرومطير..ًً
واقفوا ودموعهم فوق الخدود انسكاب.ِِ
واسمع قريع احذيتهم في الوداع الآخير..ًً
ودخلت في عالم البرزخ وطال الغياب..ِِ
وفارقت كل الحبايب والآهل والعشير..ْْ
وجوني ملائكتك اللي للعمل والعذاب..ٍٍ
واستسلمت نفسي للمنكر وجاني نكير..ََ
في موقف للسؤال يزيدثقل الجواب..ٍٍ
إلا برحمتك ياللي بالـخـفـايـا خبير..ْْ
يارب حملت نفسي بالشقى والعتاب..ِِ
ومديت حبل الخطا لآبليس واصبحت اسير..ََ
وطاوعتها في متاهات الوهم والسرااب....ََ
لين شبكتها الخطايا شبك والنفس طير..ٍٍ
ازل واقول انا تـوي بسن الشباب..ْْ
واليا نصحني محب اقول توي صغير..ِِ
ماكنت حاسب لوقتي والليالي حساب..ٌٌ
ولاكنت افكر وش اللي في زماني يصير..ُُ
إلا بعد مانتصفت العمر والراس شاب..ًً
وفقدت من ربعي الآدنين جمعٍ غفير..ََ
عرفت بإان الحياه مصارعه واكـتـئاب..ََ
واني مودع ولا لي غير ربي نصير..ْْ
ومن لا تزهب من التقوى ليومه زهاب..ٍٍ
لامات وش حجته يوم النهار الكبير..ِِ
في الموقف اللي مافيه مجادله وانسحاب..ِِ
من هو لي هاك النهار يشيب راس الغرير..